Thursday, December 31, 2009

Wednesday, December 30, 2009

Dy shqiponja



Ne jemi dy shqiponja,
Runti-runti-runti-runta, (përsëritet pas çdo vargu)
Ç'farë doni ju shqiponja?



Përmbledhje e fjalëve të lojës
Ne jemi dy shqiponja,
Runti-runti-runti-runta, (përsëritet pas çdo vargu)
Ç'farë doni ju shqiponja?
Ne duam më të mirën,
Më të bukurën,
Më punëtoren,
Cila është me e bukura? (më e mira? / më punëtorja?)
Më e bukura është Anila (emrat e fëmijëve që luajnë me rradhë...)
Me çfarë do ta merrni?
Me çfarë do ta vishni?
Ku do të shkoni?

Si ta luajmë?
1. Pregatitja për lojë:
Për këtë lojë duhet një grup fëmijësh, mendoj se duhen të pakten gjashtë veta, zakonisht vajza. Ato ndahen në dy grupe: një grup me dy veta (grupi I) dhe grupi tjetër, gjithë vajzat që mbeten, katër ose më shumë (grupi II). Të dy grupet vendosen përballe njëri tjetrit dhe kapen për dore. Lojën e fillon grupi I:

2.
"Ne jemi dy shqiponja,"
Kur këndohet ky varg, grupi I kërcen drejt grupit II. Ato kërcejnë me një ritm, dhe kur vijnë pranë grupit I, fillojnë të kërcejne mbrapsht, duke u larguar dhe duke thënë vargun e dytë:
"Runti-runti-runti-runta,"

Të dy grupet gjithmonë janë përballë njëri-tjetrit. Edhe afrimi, edhe largimi bëhet duke kërcyer, dhe duke kënduar vargjet e këngës, njëherë duke ecur përpara, dhe pastaj duke ecur prapa.

3. Tani e ka rradhën grupi II. Duke ndjekur të njëjtën mënyrë si edhe grupi I, ato thonë vargun tjetër:
Ç'farë doni ju shqiponja?
Pasi i afrohen grupit I, ato fillojnë të largohen, duke mbajtur ritmin, duke hedhur të gjitha të njëjtin hap, dhe duke thënë "Runti-runti-runti-runta,"

4. Tani loja është përsëritëse.
Grupi I : Ne duam më të mirën/ më të bukurën/ më punëtoren,
Grupi II: Cila është më e mira/më e bukura/ më punëtorja ?
Grupi I : Më e mira është Anila (zgjedhin njërën nga vajzat e grupit II)
Grupi II bën pyetjet e tjera dhe Grupi I përgjigjet se Anilën do ta veshi bukur, do ta mbajë mirë, do ta marri me karrocë prej ari, e të tjera fjalë bindëse, derisa Grupi II bindet dhe e jep Anilën.

5. Tani Grupi I ka tre veta. Të treja fillojnë përsëri kërkesat ndaj grupit II, derisa me rradhë i marin disa anëtare dhe Grupi II mbetet me dy veta.

6. Dhe pastaj Grupi II fillon lojën nga e para...

Unë kështu e mbaj mend :)

Monday, December 21, 2009

Fajin e ka kjo borë...


Sot është e shtunë,
kemi hartim,
Sa gjallëri
dhe frymëzim,

Po për çudi...,
shikojm' nga larg,
një zog na fton,
troket në xham.

Bora e bardhë
pemët mbuloi,
çudi.., me parë
Si nuk e pamë.



I vogli zog,
shpejt fluturoi,
t'i shkojm' nga pas
me gaz na fton.

(refreni)
Ja po ulet në oborr,
rreth e rreth kjo debore,
oh sa na gëzon,
dhe si zogj na fton.

Ja te qeshur ne vrapuam,
pamë mimozat qenë mbuluar,
oh sa u çuditëm,
zemrat na trokitën..,

Ja të qeshur lozim ne si fëmijë,
gjuaj unë, më fort gjuan ti.
Shpejt harruam se ne kishim hartim;
...Hej ti shok, pse gjuan kaq fort!

Ja zilja ra, sa shpejt mbaroi kjo orë,
me sy të qeshur ne mësuesen shikojme,
dhe si fëmijt qëndrojmë t'shpërndarë në oborr;
Nuk kemi faj, fajin e ka kjo bor'!

Nuk kemi faj, fajin e ka kjo bor'!
Nuk kemi faj...Faj ka kjo bor'!



Saturday, December 19, 2009

Stina e urimeve...


Fryti era nga përjashta,
Tundi perdet e mëndafshta,
Mos kujto se të harrova,
Kartolinën ta dërgova...



Monday, December 14, 2009

Kau dhe Ujku


Pa brirë ti je Mbret!
Pa brirë je Pasha!
Pa brirë është edhe Moda...


Tuesday, December 8, 2009

Fshatari dhe djemtë e tij

Na ishte seç na ishte,

Na ishte një herë një fshatar i varfër. Ai kishte tre djem. Djemtë nuk ju pëlqente që të punonin arën si babai. Ata loznin gjithë ditët. Babai vuante shumë që djemtë e tij nuk e donin punën. Një ditë prej ditësh ai u sëmur rëndë. Kur i erdhi koha për të vdekur i thirri pranë djemtë e tij.

-- Fëmijët e mi,
unë tanimë po shkoj prej kësaj bote, e ju do të jeni të
lumtur e të pasur në qoftë se gjeni atë që është e fshehur në vreshtën
tonë. Punojeni arën bijtë e mi, se do ta gjeni.

Fëmijët e tij menduan se diku atje në arë do të jetë futur thesari.
Prandaj, pas vdekjes së të atit, rrëmihën tërë tokën rreth trungjve të
hardhive, por thesarin nuk e gjetën.


Mirëpo vreshta e punuar mirë, u solli atë vit fryt të mirë e të bollshëm.

Kur panë begatinë që ju pruri puna ata e kuptuan porosinë e atit të tyre.



Friday, December 4, 2009

Elif Matrak


Elif Matrak,
Nget gjeli vrap,
Shkova me e kapë,
Iku n’kasapë,
Shkova n’Parrucë,
M’treti njena këpuce,
Shkova me e gjetë,
Treta edhe vetë.


Vargjet: nga Shkodra, më kanë thanë...



Image from: here

Wednesday, December 2, 2009


Një fëmijë mund të bëjë një pyetje që edhe një njeri i ditur nuk mund ti përgjigjet!

Nuk e di kush e ka thënë, por, oh sa e vërtetë qenka...

Wednesday, November 25, 2009

Nëntori i dytë


Filmi trajton një nga ngjarjet me të rëndësishme të popullit shqiptar - Shpalljen e pavarësisë së kombit Shqiptar. Personalitetet me të famshëm të kombit, të udhëhequr nga patrioti Ismail Qemali, pas shumë pengesash arrijnë të ngrenë flamurin shqiptar dhe të shpallin Pavarësinë e Shqipërisë në Vlorë në 28 Nëntor 1912.

Monday, November 23, 2009

Anekdoda për figura historike - 3

Isa Boletini në Londër

Në marsin e vitit 1913, një delegacion shqiptar me Ismail Qemalin, Luigj Gurakuqin, Isa Boletinin etj,. shkuan në Londër, ku mbahej konferenca e Ambasadorëve të Fuqive të Mëdha, të cilat do të caktonin edhe kufijtë e Shqipërisë. Kur delegacioni hyri në Ministrinë e Jashtme, sipas rregullit, Isa Boletini dorëzoi koburen. Ministri i Jashtëm, Eduard Grej i tha Isa Boletinit:


- Gjeneral, nesër gazetat mund të shkruajnë se Isa Boletinin që s'mundi ta çarmatoste Mahmud Shefqet Pasha, e çarmatosën në Londër.
- Jo besa, as në Londër jo, - u pergjigj Isai dhe nga xhepi i jelekut nxorri nagantinë (koburen) tjetër.

Marre nga Forumi Shqiptar.

Saturday, November 21, 2009

Anekdoda për figura historike - 2



Nikoll Kaçorri dhe flamuri

Në kuvendin mbarëkombëtar me 28 Nëndor 1912, kur u shtrua për diskutim koha për ngritjen e Flamurit, patrioti Nikoll Kaçorri, ngrihet dhe thotë:
"Burra, në qoftë për të vdekur nesër, më mirë vdesim sot!" dhe i zgjat flamurin Ismail Qemalit, i cili nga ballkoni i ndërtesës e shpalosi para mijëra njerëzve nga gjithë Shqipëria.




Ismail Qemali dhe Kanan Maze

Luftëtari Kanan Maze shkoi ne zyrën e rekrutimit te qeverisë së Vlorës për të hyrë në ushtrinë shqiptare. Oficeri pasi e mati i tha:
- Shtatin e ke disa centimetra më të shkurtër nga sa e kërkon rregullorja, prandaj nuk mund të të pranojmë në ushtri.
Kanani shkoi menjëherë tek Ismail Qemali dhe i tha:
- Ismail Bej, vetëm për të gjatët e ke bërë Shqipërine apo edhe për të shkurtërit?
- Pse si është puna? - e pyeti Ismail Beu.
Kanani i tregoi çfarë i kishte ngjarë në zyrën e rekrutimit.

- Shqipëria ka nevojë edhe për të shkurtërit e, veçanërisht për trimat si ti, - ia ktheu Ismail Qemali dhe i dha një letër për komisionin, që jo vetëm ta pranonin në ushtri, por ta bënin edhe suvari.


Marre nga Forumi Shqiptar (mendoj).

Thursday, November 19, 2009

Lopa, dhia, delja dhe luani


Ndë kohë të vjetër,
një lop' e një dhi
dhe një dele tjetër
bënë shoqëri
bashkë me luanë
dhe për gja tok vanë.


Një ditë të shtunë,
një zorkadhe zunë
brënda në një ferrë.
Luani, sakaqëherë,
e mori e çau,
me thonj vet' e ndau.
Bëri katër copa,
ashtu si desh lopa:
«Cop' e madhe, tha, për mua,
se jam luan dhe kshtu dua,
Cop' e dytë, besa-besë,
më bie vetë në pjesë,
doni, s'doni, do ta marr,
se sot s'jemi barabar.
Dhe këtë copën e tretë
jam i zoti e marr vetë,
si kam gjithnjë zakonë.
Cop' e katrëtë, për zonë,
imja qoftë, pa dyshim,
se jam trim.

Perktheu: Andon Zako Cajupi
Image from: picture-book

Sunday, November 15, 2009

Friday, November 13, 2009

Sa kripa...


Na ishte seç na ishte. Na ishte një herë një baba që kishte tre vajza. Një ditë prej ditësh i shkon mendja ti pyesë vajzat e tij se sa e donin. Në fillim pyet vajzën e madhe:
- Sa e do babanë, i thotë, dhe ajo i përgjigjet,
- Sa mjalti. Dhe babai u gëzua shumë.
Pastaj pyeti vajzën e dytë. Dhe e dyta i përgjigjet,
- Sa sheqeri. Dhe përsëri babai u gëzua shumë.
Pastaj i erdhi radha vajzës së tretë. Ajo ulet afër babait të saj dhe me një zë të ëmbël iu pergjigj,




- Baba unë të dua sa kripa...

Babait nuk i pëlqeu përgjigjia e vajzës. Ai u zemërua shumë. Shumë i zemëruar i tha,
- Sa kripa?? Që sot e tutje ti nuk je më vajza ime.

E ndoqi nga shtëpia. Ajo u largua shumë e mërzitur dhe nuk e kuptonte pse babai nuk e donte më. Motrat e tallnin dhe e përbuznin. Kalon kohë. Vajza e vogël kalon shumë peripeci. E vetme ia del mbanë vështirësive.

Një ditë prej ditësh ajo njihet me një djalë të ri e të pashëm. Ata të dy e duan njëri-tjetrin dhe martohen. Në dasmë vijnë shumë të ftuar, edhe babai me motrat e saj. Kishte shumë të ftuar dhe shumë guzhinierë punonin që ti kënaqnin.

Vajza vete në guzhinë dhe u thotë guzhinierve,
- Për babanë tim do gatuaj unë.
Ashtu tha dhe ashtu bëri. Vajza pregatiti të gjitha pjatat njëlloj si të tjerët por nuk hedh kripë. Gjellët i shërbehen babait të saj. Ai mundohet të hajë por nuk i shijon asnjë gjë.


Koha kalonte. Të gjithë hanin me kënaqësi dhe dëfrehen shumë në dasëm. Vetëm babai rrinte dhe shikonte të tjerët. Atij nuk i shijon asnjë gjë. Më në fund, e humbet durimin dhe shkon në guzhinë.
- Kush i ka pregatitur këto ushqime?, thërret.
Kryeguzhinieri i bën me dorë nga vajza e tij. Vajza afrohet.
Vajza i hidhet në qafë babait dhe e pyet, - Hë baba, a po kënaqesh? A të pëlqejnë ushqimet? I kam pregatitur posaçërisht për ty.

- Ç'farë ke pregatitur kështu? S'ke turp? Pse nuk ke hedhur kripë? Asnjë gjë nuk munda të ha. Ishin të gjitha pa shije.


Vajza buzëqesh, - Baba, të kujtohet kur më pyete sa të doja, dhe unë të thashë se të doja sa kripa, dhe ti më përzure nga shtëpia? Ti nuk e do kripën baba, prandaj edhe unë bëra shumë kujdes dhe nuk përdora fare kripë për ushqimet e tua...

Babai uli kokën dhe largohet i mërzitur pa folur asnjë fjalë...

Saturday, November 7, 2009

Ismail Qemali dhe shpallja e pavaresise se Shqiperise



28 Nentor 1912


Ismail Qemali played an important role in the Albanian movement for independence. He was a principal figure in the Albanian Declaration of Independence in 28 November 1912. Together with Isa Boletini, Luigj Gurakuqi, and other delegates from all the country he formed the independent government of Albania. This signaled the end of almost 500 years of Ottoman rule in Albania. He was prime minister of Albania from 1912 to 1914.

On 28 November 1912 Ismail Qemali raised the flag on the balcony of the two-story building in Vlorë where the Declaration of Independence had just been signed.

Pershtatur nga wikipedia.

Thursday, November 5, 2009

Nëntor...

Në Nëntor shqiptarët kudo që janë përkujtojnë Festën e Pavarësisë. Këto janë disa shkrime që flasin për traditën dhe simbolet tona kombëtare...

1.
Ai u quajt Shqiptar, që do të thotë "Bir i Shqipes", dhe mbretëria e tij mori emrin Shqipëri, që do të thotë "Vendi i Shqipeve."
Përralla e shqipes

2.
Rreth flamurit të përbashkuar,
Me një dëshirë dhe një qëllim,
Të gjithë Atij duke iu betuar,
Të lidhim besën për shpëtim...
Himnni i flamurit

3.
Bashkimi bën fuqinë
Porosia e fundit e Gjergj Kastriotit

Tuesday, November 3, 2009

Pёr vjeshtёn ...


1.
Vera ikte,
Vjeshta vinte,
Vera vjeshtёn,
S’e arrinte…Kush i thote dot?

2.
Shkoi vera
.....Si hije,
Fryn era,
.....Shi bie.Pamje vjeshte

3.
Era fryn, fletët bien,
pemët zhvishen si nga mot,
mali, fusha më s'ka hijen,
që e kishin gjer' në sot.Vjeshta

4.
Rrushin pjek në vreshta,
zogjtë larg i shpie
dhe, papritur, vjeshta
përmbi letër bie ...Vizatoj stinët

5.
Këto katër motra,
Janë stinët e vitit,
Pranvera, vera,
Vjeshta edhe dimri.Stinet e vitit

Saturday, October 24, 2009

Kënga e shiut


Shi, shi, lagashi,
bjer' o bjer, me furi,
jepi tokës pak freski!
ku ke qenë gjer tani?




Presin arat plot me grurë,
presin pyjet plot me drurë,
presin lulet, trëndafilat,
jaseminët, karafilat,
presin rosat edhe patat
sqepkuqet, qafëgjatat.

Thursday, October 22, 2009

Karamele Zana ...



Karamele Zana,
vinë nga Tirana..
Nga Tirana Peshkopi,
Çfarë numri do ti?



Unë dua treshin,
Macja kapi veshin,
Veshi u kuput,
Macja ra në llucë,
Treni u nis,
Macja u gris,
Treni ndaloi,
Macja shpëtoi...

:)
Dhe mua mu kujtuan këto sot...

Wednesday, October 21, 2009

Kujtime...



Shi, shi lagashi,
Vajti plaka në mulli,
Poqi dy kulaç me hi,
Një e poqi, një e dogji,
Një e hëngri me gith' zogj...



Friday, October 2, 2009

Pula e vogёl e kuqe


Na ishte seç na ishte.

Na ishte njё pulё e kuqe qё banonte nё njё shtёpi tё vogёl bashkё me njё patё, njё mace dhe njё qen.

Pata ishte shumё llafazane. Ajo bёnte muhabet me komshinjtё gjithё ditёn e ditёs.

Maces i pёlqente shumё vehtja. Ajo krihej, drejtonte mustaqet, dhe pastronte thonjtё gjithё ditёn e ditёs.



Qeni ishte gjumash. Ai merrte njё sy gjumё nё shilaresin para shtёpisё gjithё ditёn e ditёs.


Pula e vogёl e kuqe bёnte gjithё punёt e shtёpise. Ajo gatuante, pastronte, lante dhe pastronte rrobat, nxirrte plehrat pёrjashta, priste barin nё bahçe, pastronte gjethet e rёna, dhe bёnte edhe pazarin.

Njё ditё, tek po shkonte rrugёs pёr nё pazar, pula e vogёl e kuqe gjeti disa kokrra grurё. Ajo i mblodhi dhe i futi nё xhepin e pёrparёses.

Kur shkoi nё shtёpi, pula e vogёl pyeti shokёt e saj “kush do ti mbjelli kёto kokrrat e grurit?”

“Unё nuk i mbjell” tha pata.
“As unё” tha macja.
“As unё” tha qeni.


“Atёhere po i mbjell unё” tha pula e kuqe.
Pula e kuqe i mbolli kokrrat e grurit.

Nga kokrrat e grurit mbinё fije te vogla tё gjelbra. Pula e kuqe u gёzua shumё.
“Pa shikoni, ka mbirё gruri. Kush do tё kujdeset pёr grurin gjatё verёs?”

“Unё nuk kujdesem” tha pata.
“As unё” tha macja.
“As unё” tha qeni.


Pula e kuqe u kujdes pёr kallinjtё e grurit gjithё verёs. Ajo i ujiste dhe nuk linte barishtet e kёqija tё mbinin dhe ti zinin frymёn grurit tё vogёl. Nga fundi i verёs gruri ishte rritur e ishte zgjatur. Me kalimin e kohёs kallinjtё e grurit morёn ngjyrёn e arit.

Atёhere, pula e kuqe pyeti shokёt. “Kush do tё mё ndihmojё qё ta korrim grurin?”
“Unё nuk e korr” tha pata.
“As unё” tha macja.
“As unё” tha qeni.


Pula e kuqe e korri grurin dhe e qёroi me kujdes. Ajo i ndau farat nga kashta dhe e ngarkoi grurin nё njё karrocё dore.“Miq, tani duhet ta bёjme miell, qё pastaj ta bёjme bukё. Kush do ta çojё grurin nё mulli?”

“Unё nuk vete dot” tha pata.
“As unё” tha macja.
“As unё” tha qёni.


“Atёhere po shkoj vetё” tha pula e kuqe.
Mullixhiu e bloi grurin dhe ia dha pulёs sё kuqe nё njё thes tё vogёl plot me miell. Pula e kuqe e vuri qesen me miell nё karrocёn e dorёs dhe shkoi nё shtёpi.


Njё mёngjes, pula u çua herёt dhe tha:
“Sot ёshtё njё ditё shumё e bukur. Sot do tё gatuaj njё bukё tё mirё e tё ngrohtё me miellin e grurit. Kush do tё mё ndihmojё tё bёjme bukё?”

“Unё nuk tё ndihmoj dot” tha pata.
“As unё” tha macja.
“As unё” tha qёni.

Pula e vogёl filloi punёn vetё. Ajo trazoi miellin me vezёt dhe gjalpin. Ajo bёri brumin, i dha formёn e bukёs, dhe e vuri nё furrё qё tё piqej.

Era e bukёs se freskёt u pёrhap gjithandej. Sa erё emirё vinte buka e freskёt! Pata pushoi sё foluri, macja pushoi sё krehuri dhe qeni u ngrit nga gjumi.

Tё gjithё erdhёn nё kuzhinё. Pula e vogёl e nxorri bukёn nga furra dhe tha “Kush do tё mё ndihmojё qё ta hamё bukёn?”

“Unё” tha pata,
“Unё” tha macja.
“Unё” tha qёni.

“Hmmm” tha pula e kuqe.
“Kush e mbolli grurin?” --- Unё.
“Kush e korri grurin?“ --- Unё.
“Kush e çoi nё mulli?” --- Unё
“Kush e pruri miellin nё shtёpi, kush e bёri bukёn?” --- Unё.
“Ju nuk mё ndihmuat.”
“Tani, bukёn do ta ha vetёm unё.”

Pula hёngri bukёn dhe u kёnaq.
Patёs, maces dhe qenit ju shkoi goja lёng.

Sunday, September 27, 2009

Gjë e gjëza (Hija)



Bjen n'ujë e nuk laget,
Bjen n'gur e nuk thyhet,
Bjen n'therrë e nuk therret.
Kah të shkosh, të ndjek pas.
"Hija"



Image from:
fotosearch

Sunday, September 20, 2009

Gjuha



Një herë e një kohë rronte një njeri shumë i zgjuar, por shumë i varfer. Për të fituar buken e gojes ky njeri punonte si gjellëbërës tek një i pasur. I zoti mburrej për pasuritë që kishte por ishte torrollak.

Një ditë pasaniku ftoi disa miq për drekë. Thirri gjellëbërësin dhe e urdhëroi të gatuante vetëm dy gjellë: gjellën më të mirë dhe gjellën më të keqe.

Gjellëbërësi i hyri punës dhe gatoi gjellën më të mirë dhe atë më të keqe.

Kur u shtrua sofra, gjellëbërësi pruri gjellën e parë, gjuhë...



- Kjo është gjella me e mirë? - e pyeti i zoti.
- Kjo - iu përgjigj.
- Po pse është gjella më e mirë?
- Ai që ka gjuhe, - tha gjellëbërësi,- mund të flasë e mund të tregojë ç´mendon e ç´ndien... Prandaj gjuha është gjëja me e mirë në botë.

- Të lumtë, kështu është - thanë miqtë që ishin ulur në tryezë.

Pasi përfunduan gjellën e parë, gjellëbërësi pruri gjellën e dytë, gjuhë...

Pasaniku u zemërua keq dhe bërtiti.
-Çfarë bën kështu o i marrë. Më parë the se ishte gjëja me e mirë, ndërsa tani na doli me e keqja!!!

Gjellëbërësi vuri buzën në gaz dhe tha:
- Po, ashtu është. Gjuha është gjeja më e keqe në botë. Me ndihmën e saj, shumë njerëz gjithë kohën flasin veç marrëzira. Këta njerëz të bardhën e bëjnë të zezë, të drejtën e bëjnë të shtrembër, të mirën e bëjnë të keqe...

Të ftuarit prapë e vlerësuan. Gjellëbërësi ishte vërtetë njeri i mençur...

Wednesday, September 16, 2009

Gjë e gjëza (Gjumi)


1.
Kur e lyp, s'vjen;
Kur vjen, s'të lëshon,
"Gjumi"

2.
As nuk hahet as nuk pihet ,
Por pa të nuk rrihet.
"Gjumi"


Image from:
picture-book

Saturday, September 12, 2009

Dreri dhe Luani



Një dre i etur erdhi tek një burim. Ndërsa ishte duke pirë ujë, vuri
re në ujë hijen e vet e filloi të mburret për brirët e vet, duke parë
madhësinë e bukurinë e tyre, kurse për këmbët e veta u hidhërua që i
kish aq të holla e të hajthme. Derisa ende ishte duke menduar për këtë
gjë, ia bëhu luani e filloi ta ndjekë. Dreri ia dha këmbëve dhe u
largua mjaft prej luanit. Për sa kohë vrapoi në fushë pa drurë, dreri vrapoi
mirë e i shpëtoi rrezikut, por kur mbërriti në pyll, në një vend me
drurë të dendur, brirët iu ngatërruan nëpër degët e drurëve. Dhe pasi
nuk mundi të vrapojë më, luani e kapi.

Para se të mbaronte në gojën e luanit, dreri tha me vete:

I shkreti unë! Këmbët më shpëtuan, megjithse mendova se ato do të
më lënë në baltë, kurse e gjeta belanë prej brirëve, tek të cilët kisha
plot besim.




E ngjashme me:

"Every morning in Africa, a gazelle wakes up. It knows it must run faster than the fastest lion or it will be killed.
Every morning in Africa a lion wakes up. It knows it must outrun the slowest gazelle or it will starve to death.
Moral of the story:
It doesn't matter whether you are a lion or a gazelle: when the sun comes up, you'd better be running.""

Wednesday, September 9, 2009

Gjë e gjëza (Byreku)


Në fillim më bëjnë top,
pastaj më shtypin me një shkop,
dhe pastaj si për cudi,
e shoh vehten në tepsi.
(byreku)



Image from albanian.com

Saturday, September 5, 2009

Shqiponja, sorra dhe bariu


Një shqiponjë shigjetoi me vrull nga një shkëmb i lartë dhe rrëmbeu një qengj.
Një sorrë që e pa, plasi nga zilia dhe deshi të bënte edhe ajo të njëjtën gjë. U ul me zhurmë dhe qëndroi mbi një dash. Po iu pleksën thonjtë në leshin e dashit, e nuk mundi te ngrihej. Rrahu ajrin me krahë me forcë, sa e pikasi bariu, i cili i shkoi pranë, e zuri dhe i preu ca pendë.
Në mbrëmje e mori me vete dhe ua shpuri fëmijëve.
Kur ata e pyetën se ç'lloj zogu ishte, ai iu pergjigj:
- Eshtë një sorrë, që e mban veten për shqiponjë.



Morali dhe domethënia e fabulës:
Kush shkon pa mend, për të arritur më të mëdhenjtë se vetja, bën gjithfarë marrëzish, dhe përvec fatkeqësive që pëson, bëhet edhe qesharak.


Burimi:
Fjalët dhe shprehjet e përdorura, si dhe morali i fabules, i përkasin një blogu shqip.

Sqarim për burimin:
një blog shqip: Nuk e mbaj mend faqen (shqiptare) nga e cila e kam marrë këtë fabul. Dhe tani që po e kërkoja nuk munda ta gjej. Nëse autori e lexon, i lutem të më kontaktojë, dhe unë do të vendos linkun e duhur. Kam një grup fabulash (me moral) që do ti vendos këtu.

Image from: http://www.pbase.com/jenniemarie/

Wednesday, September 2, 2009

Gjë e gjëza (Iriqi)



Rrumbullak, strumbullak,
kur e prek të bën me gjak.
(Iriqi)


Monday, August 31, 2009

Gje e gjeza (Ora)



Pa zë heshtur numëron,
askush punën s'ia mohon.
(ora)



Tuesday, August 18, 2009

Gjë e gjëza (Libri)


Mendje s'ka, por të mëson,
Gojë s'ka, por me ty flet,
Ti përditë me të jeton,
Mik të ngushtë e ke për jetë.

(Libri)



Saturday, August 15, 2009

Gjë e gjëza (Shiu)




Jam lot që rrjedh nga qielli,
dhe më than vetëm dielli.
(shiu)




Friday, August 14, 2009

Molla e Artë



Na ishte seç na ishte...

Na ishte njëherë një mbret...

Njëherë, mbreti përhapi fjalë në tërë mbretërinë: "Atij që do të më thotë gënjeshtrën më të madhe do t'i jap një mollë të artë!"

Erdhën plot njerëz që rrëfyen gënjeshtra, por mbreti u përgjigjej se:"Qenkan të gjitha të bukura, por kush më siguron mua që nuk janë
të vërteta?"


Një ditë te mbreti erdhi një fshatar, i cili i tha:
- Madhëri, kthemi florinjtë e mi!
- Florinjtë? - u habit mbreti.
- Po, m'i more javën e kaluar.
- Gënjen, s'të kam marrë asgjë, - bërtiti mbreti.


- Nëse kjo qenka gënjeshtër, - ia priti burri, - atëherë urdhëro të ma japin mollën e artë!
Mbreti krenar e finok s'deshi të dorëzohej. Bëri sikur iu kujtua:
- Ah, po, nuk gënjen, - i tha burrit. - Më ke dhënë vërtet ca florinj një javë më parë.
- Thashë unë? Ja, u kujtuat, Madhëri! Atëherë urdhëro të m'i kthejnë florinjtë e mi.
E ç'ti bënte mbreti? U detyrua t'ia jepte mollën e artë burrit të mençur.


Wednesday, August 5, 2009

Kali dhe Gomari



Një njeri kishte një kalë dhe një gomar. Kur njëherë ishin duke udhëtuar, gomari i tha kalit:
- Merr pak prej barrës sime, të lutem, që të mbetem gjallë.
Kali nuk e dëgjoi. Kështu gomari, nga lodhja e tepërt, u rrëzua dhe ngordhi.



I zoti, mandej, ja ngarkoi tërë barrën kalit, madje edhe lëkurën e gomarit të ngordhur. Kali filloi të ankohej:

- Oh unë i mjeri, ç'ka më gjeti! Nuk dëgjova që të mbartja barrë të
vogël, kurse tash, ja po i mbart të gjitha, madje edhe lëkurën e
gomarit të ngordhur.




Tuesday, August 4, 2009

Iriqi i sëmurë



U sëmur iriqi i shkretë,
termometri mbi dyzetë,
Farefisi, pas zakonit,
iu drejtua injeksonit...

- Po zbuloja ti një çikë,
nuk të dhëmb, hiç mos ki frikë!
... Por u hodh përpjetë doktori,
se u shpua vetë i gjori.

Autori: Tahsim Gjokutaj

Saturday, August 1, 2009

Macja dhe miu


Mace, mace,
pis, pis, pis,
ç'ka dollapi,
që lëviz,

Është miu,
koçomiu,
të gjitha pjatat,
i lëpiu...




Mi i vogël,
ki kujdes,
bjeri rrethit,
mes për mes,

Andej hyr,
e këtej dil,
rreth e qark,
mos iu sill,

Miu i vogël,
seç u lodh,
macja hop,
mbi të, u hodh.


Thursday, July 30, 2009

Andej, këtej...


Andej, këtej, kuturu,
para, prapa, dhe këtu,
lart e poshtë, ja kështu,
këndon zogu dru më dru.


Image from: picture-book

Wednesday, July 29, 2009

Pse s'i heqin që ti thajnë?


Bie shiu pika-pika,
Lahen rosat, lahen rikat,
lahen patat, qafë-gjatat,
lahen bibat, pendë-artat,

I sheh Mira dhe habitet,
-Mirë që lajnë këmbë dhe faqe,
Mirë dhe pendët që i lajnë,
Pse s'i heqin që ti thajnë?

Image from picture-book

Sunday, June 14, 2009

Bubi dhe pulat


Bubi i vogël,
laraman,
leh gjithë ditën,
ham, ham, ham.

Pulat hanë,
në avlli,
sulet bubi,
me furi.




Ko, ko, ko,
ka, ka, ka,
bubi, bubi,
po na ha.

Pulat kotë,
frikë kanë,
bubi dhelprës,
nuk i ngjan.


Image from here

Thursday, June 11, 2009

Kush e gjen?


Porsi lëmsh është rrumbullak,
mot e jetë sillet qark,
pa benzinë shkon e vjen,
kur lëviz askush s'e ndjen,
është plakë sa s'tregohet,
por nuk lodhet as ankohet...

(Toka)

Image from: here

Friday, May 29, 2009

1 Qershori


Një Qershori ynë,
Erdhi përsëri,
Edhe më të lumtur,
Ne na gjen tani,

Të gjithë të gëzuar,
Lozim dhe këndojmë,
Rroftë 1 Qershori,
Rroftë festa jonë.


Festa e fëmijëve ne Shqipëri është në 1 Qershor. Gëzuar festën fëmijë!

Clip art copyrighted by Bobbie Peachey, http://webclipart.about.com

Monday, May 18, 2009

Kali prej druri

Prapë nga nëna Dasha...


Hi, hi, hi,
kam një kalë,
me zengji,
edhe me shalë,

Trak e trak,
trak e trak,
shkon me vrap...

Bar nuk ha,
as tagji,
Ujë ka,
po nuk pi.

Trak e trak,
trak e trak,
shkon me vrap...

Ka për fre,
një fill pe,

Është një kalë,
kalë prej druri,
dhe babi,
një shalë i vuri.

Trak e trak,
trak e trak,
shkon me vrap...


Image from here

Wednesday, May 13, 2009

Festivali i kafshëve...

Nga nëna Dasha...











Macja bën,
mjau, mjau,
minë e vogël,
çe përlau...

Kali bën,
hi, hi, hi,
nuk kam bar,
nuk kam tagji...


Rosa bën,
mak, mak, mak,
biba e vogël,
seç u lag...

Lopa bën,
mu, mu, mu,
viçi im
a është këtu... ?

Delja bën,
me, me, me,
qengjin tim,
a mos e pe...?

Pula bën,
ka, ka, ka,
bëra vezë,
sa një hata...

Qeni bën,
ham, ham, ham,
dua një kockë,
që të ha...

Gjeli bën,
ki, ki, ki,
dhe na thotë,
çohu, mos fli...!

Image from here


Më shumë vjerrsha dhe këngë me kafshë...
Kënga e festivalit të kafshëve
O sa mirë, o sa keq ...
1-2-3
Kënga e rosave
Mini-mini kukuvaca
Fli lepurush

dhe te tjera...

Wednesday, April 29, 2009

Agimi


U kuq dielli prej agimit,
Prej këtij prisi që çoi dita;
E kadalë, t'u rritun drita,
Fushë e male po lulzon.

Fryn prej bjeshke era e lehtë,
Rruzullimit i ndrron fytyra,
E prej shendit gjithë natyra,
N'duke e n'petka po gazmon.


Autori: Ndre Mjeda
Sa e bukur, sa pranverore është kjo vjerrshë...

Më shumë për Ndre Mjeden: ketu

Image from: here

Monday, April 20, 2009

Në shtëpinë tonë

Shtëpia jonë, plot me diell, plot me ngrohtësi,
në dimër e në pranverë kemi kaltërsi.
Dritarja jonë hapur rri për ty ditë e re,
për dashurinë e njerëzve tanë të mirë...



(refreni)
I duam ne njerëzit t'i kemi gjithmonë pranë;
shtëpia e jonë e bardhë, e bardhë.
I rritim femijët me dritë e me djersë;
me dashurinë për njerëzit tanë të mirë...



Kënduar nga e madhja Vaçe Zela.


Tuesday, April 14, 2009

NGJYRAT


Lakuriqi i verbër,
i pyllit të gjelbër,
dhe ketri i kuq,
ranë në pellg pëlltuq!


Korbi i zi,
këndon mbi selvi,
kra kra kra kra...
kri kri kri...

Pranë detit të kaltër,
furgoni bardhë e gri,
po sjell akullore,
pip pip pip tek ti...

Në kovën e verdhë,
lëpihet një mi,
del, të kilikos,
kilikiliki...(varet nga kapaciteti i mushkrive)


Image from: here

Vargje të tjera nga "perandoria7":
Insektet në punë
Vargje zbavitëse për bebusha ...
1-2-3



Thursday, April 9, 2009

Plakat e Marsit




Gjithmonë, në fund të marsit, gati 3 ditët e fundit bën shumë ftohtë. Të vjetrit thonë se këto ditë janë ditët e plakave.
Gojëdhana e ditëve të ftohta të marsit ka disa versione. Këtu u mundova të mbledh disa prej tyre:



1.
Vjen marsi. Ngrohet koha. Një plakë merr bagëtinë për ta kullotur në mal. E kënaqur nga koha e ngrohtë, plaka thotë: "Dimër, ma more të keqen, ta hodha dhe këtë vit." Dimri e dëgjoi dhe dërgon borë dhe tufan, dhe e ngrin plakën në majë të malit.

2.
Plakat e marsit janë shtatë. Shtatë plaka morën leshin e bagëtisë dhe dolën në një lëndinë për ta tjerrë (ftilluar). Duke bërë muhabet me njëra-tjetrën, njëra nga plakat i ngriti këngë muajit Mars duke i thënë se tani dimrit ia hodhi dhe ai (Marsi) i merrte të keqen. Këngën e kënduan të gjitha plakat me rradhë. Marsi i dëgjoi dhe i ngriu të shtata.

Thonë se plakat janë ngurtësuar, dhe cdo vit në muajin mars bie shumë shi shtatë ditë me rradhë, dhe në male bie borë.

3.
Nga veriu thonë se mullizeza (lloj shpendi) celi zogjtë që në mars. E lumtur nga koha e ngrohtë, edhe ajo filloi ta shante marsin:

Mullizeza zogjt i çeli,
na marsh të keqen Mars kaçeli...

Edhe këtë muaji Mars e ngriu me gjithë zogj në fole. Numri i mullizezës më zogjtë e saj është shtatë, që korrespondon me numrin e plakave. Kjo tregon për një binjakëzim të gojëdhanes. Po ashtu edhe plakat edhe mullizeza ishin në të zeza. Plakat me roba të zeza ndërsa mullizeza me pupla të zeza.

4.
Kur plakat i thanë marsit, "na marrsh të keqen", marsi u zemerua aq shumë sa tha "shkurt(apo prill?) o im vëlla, më jep dy dite hua, t'i thaj plakat me gjith ç'kanë... "





Saturday, March 28, 2009

Gjë e gjëza (Breshka)



Kam samar,
po s'jam gomar...
(breshka)



Image from: here

Thursday, March 26, 2009

Gjë e gjëza (Muajt e Vitit)

Një lis me dymbëdhjetë dega,
gjashtë të buta,
gjashtë të egra...

"Muajt e Vitit"


Dymbëdhjete Muajt e Vitit, është një përrallë shumë e bukur, te cilës i përket edhe ky ilustrim. Do ta sjell edhe atë tek vogëlushët.
Image from here

Wednesday, March 25, 2009

Gjëegjëza


Hap e mbyll,
ndrit si yll.
(syri)





Asht nej kullë e bardhë,
pa dritare dhe pa shkallë.
(veza)



Image from: here

Monday, March 23, 2009

Mini Mini Kukuvaca

Ishim ulur me disa miq (Fatosi midis tyre) dhe po flisnim për bukurinë e folklorit tonë, përrallat në vecanti. Përralla "Njëqind gënjeshtra pa një të vërtetë" paskësh pasur shumë sukses me një grup studentash të mbledhur për dëfrim (happy hour) një mbrëmje të premte! Në dëfrim e sipër, dikush propozon të bëjnë një kontest se kush nga kombet e pranishme kishin përrallën më zbavitëse. Rezultati s'ka diskutim :)

Kështu pra, dhe unë mora vesh për këtë garë të cuditshme ku kishte marrë pjesë edhe blogu i vogëlushëve :)

Por, Fatosi dërgoi edhe këto vargje zbavitëse, shumë të këndshme për vogëlushët:

Mini mini kukuvaca,
Shkova bleva gjashtë pata,
Tri t’zeza tri t’bardha,



Shkova rashë te As’ Lika,
Gjeta qenin pika pika,
Mora thuprën dhe e shika,
Çohu qen e m’përcjell,
Se kam gruen pezmatore,
Që m’i ruen ato re,
Posi pela pa fre,
Pula voji natën,
Gjeli mori spatën,
Gjel’ Vasinë e vranë,
Motrat e qanë,
Hallven ia banë,
Me grushta ia përlanë.


Tuesday, March 10, 2009

Dallendyshe


Dallandyshe bishtgërshërë,
faqe-kuqe, sqep-gjilpërë,

që shëtite nëpër botë,
a s'më thua mike sot,

cila tokë të është dukur,
në gjithë botën më e bukur?

më e bukur, o fëmijë,
është nëna Shqipëri!


Më kujtohet kur e recitonim :). Duhet të kemi qenë në shkollën fillore. Kur vinte vargu i fundit, e thoshte gjithë klasa në kor...

Dallandyshet i kam dashur shumë. Bënin folenë tek ballkoni ynë. Më kujtohet kur rrija dhe shikoja se si i ushqenin të vegjlit pa përtuar... Gjithë verën ballkoni ynë ishte plot cicërima. Mërzitesha kur iknin në vjeshtë për shtegëtim, dhe mezi i prisja kur vinte pranvera...

Saturday, March 7, 2009

Kënga e nënës (Anita Take)

Nënë, emër i dashur për mua,
Me je e shtrenjtë, të dua,
Sa jetë e tërë për ty unë thurr melodi...




E lehtë është jeta kur di që kam nënë,
Në çdo çast të vështirë e ndjej pranë,
Në brengë e halle ajo më ka qënë,
Rreze që dritë shpërndan.



Një nënë, vetëm një nënë ka në botë,
Ëmbël tingëllon zëri i saj,
Kur "bir" fëmijës ajo do ti thotë,
Qesh e ndriçon zemër e saj.

Nënë, emër i dashur për mua,
Me je e shtrenjtë, të dua,
Sa jetë e tërë për ty unë thurr melodi...

Kur zemra rreh në gëzime e dëshpërime,
Tek ti mendimi më shkon,
Pranë teje ndjehem më e dashur, më trime,
Më e lumtur se botë e tërë.

Friday, March 6, 2009

Për 8 Marsin


Për 8 Marsin mami,
Të uroj unë sot,
Lumturi të kesh,
Ti për jetë e mot!


Image from: Here